[ وانـا ليـا قدمت يصعب رجــوعي..]

السلام عليكم ورحمة الله وبركاته

 

كح كح كح غباار يطلع من سبيسيي

 

من زماان مو داخلته لوول

 

الموهييم

 

اشحالكم ؟

 

خل اقولكم شو صار وياي من بدت الاجازه

 

في البدايه مر علينا فصل قصير وانضغطنا وايد

لدرجه إنا ما يمر يوم وما ناخذ فيه امتحانين او اكثر

ولو علينا امتحان واحد نستانس من الخاطر جنه العيد عندنا

وبعد هالفصل مرت علينا امتحانات غلسه بصراحه ولا امتحان كان سهل

افتتحوها لنا بالرياضيات وختموها بالاحيا

 

بعد هالعناء اللي عشناه

 

قررنا نتيمع آخر يوم وكان الريوق والغدا فبيتنا

 

بعد الامتحان طلعت من المدرسه وصلت البيت

وركضت على غرفتي بدلت ثيابي بسرعه حتى سبوح ما سبحت خخخ

نزلت تحت طلبت بيبسي وخرابيط من الدكان

 

دخلت الديوانيه شغلت المكيف وبخرتها شوي اسمع

 

طيينطوون

 

ربيعاتي وصلو .. فتحت الباب قلت لهم حياكم

 

يمعتنا كانت حلوه ووناسه صارت مواقف عجيبه بصراحه تمنيت كل يوم نتيمع جيه

 

وربيعاتي سارو تقريباً ع المغرب .. بعدها سرت يلست عند امي شوي

 

بعدين طبعا طبعا طلعت خيخي ماقدر ايلس بالبيت دقيقه

سرت بيت يدتي وبعدين بيت عمتي وخذت لفه ع  الكورنيش ورديت البيت

ع الـ 11 تقريبا ويلست ع النت لين 3 مع انه من10 فيني رقاد بس مقاومه علشان ما يخلص اليوم هيهي

 

وبعدين رقدت وقمت اليوم الـ 2 ع الظهر .. والعصر قلت لهم ابي اطلع بس طفرت اسبوعين يالسه بالبيت =|

 

وطلعووني وودوني دبي

 

والحين راده اجيك ع ايميلي وسبيسي يحليله من زمان ما جفته ^.^

 

وهذيي قصتيي في آووول ايام الاجازه

 

وودعواتكم لنا بالتوفيق ..